Li welatê me xerza,
Dîkek hebû şareza.
Dîkek hebû şareza.
Rokê çû nav dîka,
Ji wan re go hêdîka:
Ji wan re go hêdîka:
Rabin bêjin mirîşkan,
Bes xwe bidin enîşkan.
Bes xwe bidin enîşkan.
Dîk û mirîşk bûne kom,
Berê xwe dane cem bûm.
Berê xwe dane cem bûm.
Leşker tev bûne lek,
Hin çeleng û hin kulek.
Hin çeleng û hin kulek.
Berê xwe dane çolê,
Tevlî koç û tev êlê.
Tevlî koç û tev êlê.
Teyra di ko nagehan,
Hatî leşkerkî giran.
Hatî leşkerkî giran.
Tevde firîn ji malan,
Berê xwe dane balan.
Berê xwe dane balan.
Ew jî li hev bûne kom,
Yekî rabû gote bûm;
Yekî rabû gote bûm;
Ey padîşahê teyran,
Wey serbilindê Tûran,
Wey serbilindê Tûran,
Rabe ser xwe tu mîro,
Ji bo me bêje îro;
Ji bo me bêje îro;
Ev leşkerê bê jimar,
Gelo heye jê zirar.
Gelo heye jê zirar.
Bûm kenî û gote wan;
Bakin bazê pehlewan.
Bakin bazê pehlewan.
Hudhud rabû serferaz,
Wî çû bi lez gote baz;
Wî çû bi lez gote baz;
Go rabe ey tu bazî,
Şeh te îro dixwazî.
Şeh te îro dixwazî.
Baz çû cem şeh li banî,
Destê xwe l´ser hev danî.
Destê xwe l´ser hev danî.
Go ey xwendekarê min,
Zû li min ke barê min,
Zû li min ke barê min,
Bûm gote bazê xwînxwar,
Bi lez rabe here xwar.
Bi lez rabe here xwar.
Bazî rabû weke şêr,
Firek da xwe hate jêr,
Firek da xwe hate jêr,
Bazê terî bi rêşî,
Hate cem dîkê pêşî,
Hate cem dîkê pêşî,
Destê wî girt û hejand,
Nitqek jê re dirijand.
Nitqek jê re dirijand.
Olan sen nerelîsen?
Go em xelkê bedlîs in.
Go em xelkê bedlîs in.
Sizin bûrde ne îş war?
Dîk xeyidî lê da dar.
Dîk xeyidî lê da dar.
Bazî şehda xwe anî,
Dîk jî darê xwe danî.
Dîk jî darê xwe danî.
Go bi zor û bi gazin,
Em heqê xwe dixwazin.
Em heqê xwe dixwazin.
Baz go kî ye serleşker?
Go tu nizanî ey ker,
Go tu nizanî ey ker,
Ez im paşa ez im mîr,
Ez im şahê cihangîr.
Ez im şahê cihangîr.
Bazî çû cem dîkê dî,
Dî ko ew jî wekeî wî.
Dî ko ew jî wekeî wî.
Tevan go paşa û mîr,
Kesî ne go ez wezîr.
Kesî ne go ez wezîr.
Nefer bûne yûzbaşî,
Heta giha ê paşî.
Heta giha ê paşî.
Bazî rabû çû banî,
Li ber destê bûm danî.
Li ber destê bûm danî.
Tilûr tev lê bûne kom,
Qale ya ey-yûhel qewm.
Qale ya ey-yûhel qewm.
Ev hatine ji mala xwe,
Divên istiqlala xwe.
Divên istiqlala xwe.
Bûm go bazê dilawer,
Gelo kî ye serleşker.
Gelo kî ye serleşker.
Go tev paşa û mîr in;
Bê wezîr û gizîr in;
Bê wezîr û gizîr in;
Bû hêdî rabû ser xwe,
Taca xwe da serê xwe.
Taca xwe da serê xwe.
Go bi taca serê min,
Kes nîne hemberê min.
Kes nîne hemberê min.
Rabin wek pehlewana,
Dê em herin ser wana.
Dê em herin ser wana.
Hatin teyrên dubirak,
Bakirin kund û qirak.
Bakirin kund û qirak.
Go hon werin binêrin,
Ka em îro çi mêr in,
Ka em îro çi mêr in,
Dîka xwe da enîşka,
Bû qidqida mirîşka.
Bû qidqida mirîşka.
Go fermana we rabû,
Koma we j` hev bela bû.
Koma we j` hev bela bû.
Ê ko kuştin ê ko man;
Hatin gundan bê goman.
Hatin gundan bê goman.
Wan jî weke me kurdan,
Destê xwe j` ber xwe berdan.
Destê xwe j` ber xwe berdan.
Elok û tûtik û qaz,
Tê de bûne belengaz.
Tê de bûne belengaz.
Tev de ketin koxê rê,
Çîroka me ji we re xweş.
Çîroka me ji we re xweş.
Wek seydayê Cegerxwîn,
Hemî bûne dilbirîn.
Hemî bûne dilbirîn.