Hozan Hamid - Kirasê sor

Ji bo Xwedê tu li xwe neke kirasê xweyî sor,

Ji ber derîkê me'r lê lê nere jêr û jor,

Li ser dilê min veneke agirekî sor,

Derd û kulê(n) vê dinyayê li min têne zor.

Ji sibê heta êvarê li benda wê me,

Ez dixwazim te bibînim bi hesreta wê me,

Xelk û alem tev dizanin ji bo te mirî me,

Birîna min bi şev û roj e ji bo te bi girî me.

Roj di min gerîya yarê niza(ni)m çi dibêjim,

Fîstanê teyî sor dibînim serxoş û gêj im,

Bûme wek şalûl û bilbil li ser te dibêjim,

Hêsirê(n) çavên min tev xwîn tê, ji bo te dirêjim.

Ji ber derîkê me'r lê lê çû ser kanîyê,

Fîstanê sor li bejnê ye weke horîyê,

Min go delala li ber dila tu yara kê yî?

Go(t) hivdeh pismamê'm hene û da girîyê

Ji bo Xwedê tu li xwe neke kirasê xweyî sor,

Ji ber derîkê me'r lê lê nere jêr û jor,

Li ser dilê min veneke agirekî sor,

Derd û kulên vê dinyayê li min têne zor.

Mem ARARAT - GOTINÊN STRANA EVÎNA DU ÇIYA SÖZLERİ

Mi go ez Ararat im tenê tenha,

Te go ez jî Sîpan im berf û derya

Mi go ez Ararat im tenê tenha,

Te go ez jî Sîpan im berf û derya

Berfa min ji bendemayîna te helîya

Ewrekî çavê te bim, hêsir bim yarê yarê X2

Hêsir bim sozdarê

Ewrekî çavê te bim, hêsir bim yarê yarê X2

Hêsir bim sozdarê

Ma pêkan e em jî dilşa bin yarê?

Li rûkala axayê vê dinyayê

Ma pêkan e em jî dilşa bin yarê?

Li rûkala axayê vê dinyayê

Lerizî payîza me pelê darê

Lerizî kevirê sebrê lerizî yarê yarê X2

Lerizî sozdarê

Lerizî kevirê sebrê lerizî yarê yarê X2

Lerizî sozdarê

Kî dibê(je) çîya nagihê ji neyarê?

Ba tê baran tê pê re silav tê

Kî dibê(je) çîya nagihê ji neyarê?

Ba tê baran tê pê re silav tê

Ji basikên balîndeyan bêhna yarê tê

Tu hebî ez namirim, tu hebî yarê yarê X2

Tu hebî sozdarê

Tu hebî ez namirim, tu hebî yarê yarê X2

Tu hebî sozdarê

ÇÊLEKA TÎ

       Min îro rahişt qofeya avê a çêleka mala birayê xwe û min pê dar av dan. Her cara min qofe di ber çêlekê re dibir çêlek hema bi alî min de dihat heta ez ji wê bi dûr diketim. 

       Mala birayê min çêleka xwe nû kirrîne û çêleka wan cara duyem min dîbîne ji ber wê min got qey ez jê re biyanî me loma bi alî min de tê. Ez ditirsîyam jî min digot belkî li min bixe. Piştî min dar av dan îja min qofe dagirt û danî ber çêlekê. Rebenê çawa tî bibû çawa tî bibû divê we bidîta. Belkî sê qofe av vexwar. Nexwe heywana reben devê wê nedigihîşt qofeyê û tî mabû.

       Piştî têr av vexwar îja wekî bixwaze spas bike bi çavên tije minet li min dinihêrî. Devê xwe dirêjî min dikir. Min jî enîya wê firikand. Piştî ku ez ji ba wê çûm jî li min dinihêrî.

       Ji kerema xwe heywanên kerr û lal yên girêdayî bê av nehêlin. Ji ber ku girêdayî ne nikarin xwe bigihînin avê jî û em ji zimanê wan fahm nakin, nikarin ji me re bêjin "Ez tî me." jî.