Kan Madena Sidq û Sefa

Kan madena sidq û Sefa?

Kan etaya cûd û sexa?

Behra kerem kanê wefa?

Kanê Muhemmed Mistefa?

Kanê gelo şahê letîf?

Kan qameta şubhê elîf?

Mesken di nêv rewda şerîf?

Kanê Muhemmed Mistefa?

Kanê gelo şahê Ereb?

Kan hakimê esl û neseb?

Mucîz ji bo pirr bûn eceb?

Kanê Muhemmed Mistefa?

Mucîz ji bo pirr bûn gelek

Heftê asîman hem neh felek

Xadim ji bo wî bûn gellek

Kanê Muhemmed Mistefa?

Xadim ji bo wî Cebraîl

Mensûx kirin Tewrat û Încîl

Mesken ji bo wî selsebîl

Kanê Muhemmed Mistefa?

Bi wehy û xwandin lamekan

Telîm di Fûrqanê heman

Bê herf û elfaz û ziman

Kanê Muhemmed Mistefa?

              ~ Melayê Bateyî ~

MUHAMMED ELİ - GELİ DOST Û HEVALA(İLAHİ)

Gelî dost û hevalan
Ehlê sewm û selatê
Dinyakî pir betal e
Kes namîne li heyatê

Ey ehlê vî zemanî
Mala me çû mîratê
Dîn çû em pê nizanin
Îman go çû nema tê

Dinyakî bêfayde ye
Lewra mirin tê heye
Îro sib dora me ye
Kesek nake xebatê

Ey ehlê vî zemanî
Mala me çû mîratê
Dîn çû em pê nizanin
Îman go çû nema tê

Ey alimê ilimdar
Kitêb xwendin bar bi bar
Mişkan kitêbên wan xwar
Berdan çemê Firatê

Ey ehlê vî zemanî
Mala me çû mîratê
Dîn çû em pê nizanin
Îman go çû nema tê

Sofî ne ji xwe razî ne
Jin û qîzên tazî ne
Bi vî halî razî ne
Çiqasî kêfa wan tê

Ey ehlê vî zemanî
Mala me çû mîratê
Dîn çû em pê nizanin
Îman go çû nema tê

Gelî bira mêze kin
Eger hûn tobe nekin
Qelbê safî nû(h) nekin
Nakevin ber şefaetê

Ey ehlê vî zemanî
Mala me çû mîratê
Dîn çû em pê nizanin
Îman go çû nema tê